深藍汽車 S09

車型概況

深藍 S09 係長安汽車旗下深藍品牌嘅首款全尺寸旗艦 SUV，官方定位為“家庭大六座智慧旗艦 SUV"。新車於 2025 年 4 月上海車展正式開啟預售，基於深藍超級增程 2.0 平台打造，全系標配華為乾崑智能駕駛系統同鴻蒙座艙。深藍 S09 共推岀 6 款配置，指導價區間為 23.99 萬至 30.99 萬元。主要競爭對手包括理想 L9、問界 M9 同級大型六座 SUV，但起售價僅為佢哋嘅約一半。

設計語言

深藍 S09 採用“共生美學”設計語言，整體風格簡約大氣。車頭面為封閉式設計，配備 1838mm 星環貫穿燈帶同分體式 LED 燈組，上方纖細嘅日行燈同下方矩陣式大燈構成強烈嘅科技感同辨識度。車身側面線條流暢，採用隱藏式門把手同懸浮車頂設計。車尾配備星河霓虹貫穿式尾燈，兩側採用分段式點亮設計。車身尺寸為長 5205mm、寬 1996mm、高 1800mm，軸距 3105mm，與理想 L9（5218/1998/1800mm，軸距 3105mm）尺寸極為接近。風阻係數低至 0.283Cd。提供煙海藍、玄墨黑、山雪銀、蒼山灰四款車色。

內飾採用淺色基調同簡約佈局，大面積皮質同軟質材料包裹營造豪華氛圍。車內採用 2+2+2 六座佈局。

動力性能

深藍 S09 全系搭載 1.5T 渦輪增壓增程器（最大功率 110kW），提供後驅同四驅兩種動力版本。後驅版搭載後置永磁同步馬達，綜合功率 231kW（約 314 匹），綜合扭力 375N·m，0-100km/h 加速 7.9 秒。四驅版喺前軸增加 131kW 馬達，系統綜合功率 362kW（約 492 匹），0-100km/h 加速 5.9 秒。最高車速 205km/h。

續航方面，搭載寧德時代磷酸鋰鐵電池。標準版電池容量 40.18kWh，CLTC 純電續航 220km；超長續航版搭載 53.49kWh 電池，後驅版 CLTC 純電續航 310km，四驅版為 300km。CLTC 綜合續航最高 1210km。充電方面支援 5C 超充，30% 至 80% 電量只需約 10 分鐘。WLTC 虧電油耗後驅版 5.6L/100km，四驅版 5.9L/100km。

底盤與操控

底盤係深藍 S09 嘅核心技術亮點之一。其採用前雙叉臂式獨立懸掛同後 H 臂多連桿獨立懸掛（鑄鋁 H 臂結構）嘅組合。全系標配單腔空氣懸掛同CDC 連續阻尼控制系統，支援 70mm 高度可調，可根據駕駛模式同路況自動調整車身姿態——舒適模式下懸掛變軟過濾顛簸，運動模式下懸掛變硬增強支撐。底盤調校由路虎底盤團隊參與，兼顧咗 5.2 米車身嘅穩定性同操控靈活性。電動助力轉向系統低速輕盈、高速穩重。接近角 19°、離去角 21°，可應對輕度越野場景。

座艙與配置

智能座艙係深藍 S09 嘅另一大核心賣點。車輛搭載華為 HarmonySpace 5 鴻蒙座艙，車機芯片提供麒麟 9610A 同高通 8295 兩種方案。屏幕系統包括：前排雙 15.6 英寸 2.5K 高清聯屏（中控 + 副駕）、43 英寸 AR-HUD 抬頭顯示同後排21.4 英寸 3K 娛樂屏，支援多屏聯動。全車支援 6 音區語音識別。

座椅方面，第二排配備雙獨立零重力座椅，支援 180mm 橫向滑動、8 點式按摩、通風同加熱功能。第三排座椅高度 360mm，膝部空間最大 870mm，支援加熱功能。前排中島可向後移動 700mm，內置 10 公升冷暖冰箱（-6℃至 50℃）。車尾箱常規容積 427L，放倒第三排後可擴展至 1392L。音響方面配備 23 個揚聲器 + 杜比全景聲系統。

安全與智能駕駛

智能駕駛係深藍 S09 嘅核心賣點。車輛提供華為乾崑 ADS 兩套智駕方案。高配版（帶激光雷達） 搭載 192 線激光雷達（探測距離 250 米）、11 顆高清攝像頭、3 顆毫米波雷達及 12 個超聲波雷達，MDC 610 平台運算力達 200TOPS。軟件為 ADS 3.3（可升級 ADS 4.0），支援高速 NCA 領航輔助（自動跟車、變線、上下匝道）、城市 NCA（紅綠燈讀秒、無保護路口通行、擁堵跟車）同全場景自動泊車（超過 160 種場景）。後驅 Ultra 超長續航版未配備激光雷達，但仍具備華為乾崑 ADS 4.1 輔助駕駛功能。

主動安全方面，搭載華為 CAS 3.0 全向防碰撞系統，覆蓋前向 120km/h、側向 60km/h、後向 15km/h 全速域主動制動。被動安全方面，乘員艙高強度鋼佔比 100%，全車高強鋼同鋁合金佔比 81%，配備 2700mm 超長側氣簾。深藍 S09 喺中汽研測評中，“車輛輔助安全指數”同“車外行人安全指數”分別獲"G 級”同"G+ 級”評價，AEB VRU 測試獲滿分。

市場表現與評價

深藍 S09 上市初期被寄予厚望，憑藉與理想 L9、問界 M9 同級嘅尺寸、華為智駕全家桶同 23.99 萬元起嘅定價，一度被視為“半價旗艦”。然而實際市場表現未達預期。銷量數據顯示，其最高月銷量為 2025 年 6 月嘅 3250 輛，其後逐月下滑——8 月 2467 輛、10 月 1747 輛、11 月 464 輛、12 月 375 輛。進入 2026 年，前 3 月累計銷量僅 1626 輛。過去半年平均月銷量約 1400 台，低於行業推測嘅 2000-2500 台盈虧平衡點。

媒體與行業分析認為，銷量低迷嘅原因包括：深藍品牌喺 20 萬以上高端市場缺乏成功先例（此前 G318 同樣表現欠佳）、品牌口碑受“廣告門”事件影響、同競爭對手喺相近價位同樣配備咗“華為全家桶”，深藍 S09 嘅差異化優勢被淡化。儘管如此，深藍 S09 喺產品力層面仍獲得唔少認可——其 310km 純電續航、5C 超充、空氣懸掛+CDC、華為高級智駕等配置喺同價位中具備相當競爭力。作為深藍品牌衝擊高端市場嘅旗艦之作，S09 填補咗品牌喺大型六座 SUV 市場嘅空白。深藍汽車後續計劃透過推岀 S08 等新車款，同 S09 形成產品組合，力圖打開新嘅市場局面。