豐田威馳

豐田威馳（Toyota Vios）係一汽豐田旗下嘅入門級小型轎車。佢係豐田汽車專為亞洲市場專屬研發嘅入門級三廂轎車。2002 年，初代威馳正式落線，作為一汽豐田喺中國投產嘅首款车型正式進入中國市場。威馳定位經濟型家用轎車，主打經濟實用，主要面向預算有限、注重省油同可靠性嘅用戶。新車指導價區間約為 7 萬至 11 萬元，終端常有大幅優惠，入門版實際成交價可低至 6 萬元左右。截至 2025 年，受中國汽車市場消費升級及電動化轉型影響，威馳已喺國內停產。

設計語言

豐田威馳採用豐田家族式設計語言。車頭配備大尺寸進氣格柵，內部以橫輻式鍍鉻條填充，中間鑲嵌豐田車標，兩側連接着造型狹長犀利嘅前大燈組。部分高配車款配備 LED 日間行車燈同前霧燈。車身側面線條流暢，一條腰線貫穿門把手延伸至尾燈。車尾造型設計較為簡潔，尾燈中間由銀色鍍鉻飾條隔斷。威馳嘅長闊高分別係 4435mm、1700mm 同 1490mm，軸距係 2550mm。車廂內飾方面，威馳設計以實用為訴求，中控檯造型簡潔，部分車款採用黑白雙色搭配。車廂材質以硬質塑膠為主，高配車款配備懸浮式 9 吋中控觸摸屏。

動力性能

豐田威馳全係搭載 1.5L 自然吸氣發動機。呢款發動機代號為 M15A-FKS，屬於豐田 Dynamic Force 系列，係專為入門級車款打造嘅“經濟型機型”。發動機採用雙 VVT-i 可變氣門正時技術同阿特金森循環等技術，壓縮比達到 13:1。佢嘅最大功率係 82kW（約 112 匹），最大扭矩係 139N·m 至 148N·m。傳動系統方面，匹配 5 速手動波箱同可模擬 8 速嘅 S-CVT 無極波箱。呢套動力系統以順暢性同燃油經濟性為主要訴求，喺雙 VVT-i 技術同 TOYOTA SMART STOP 智能節油啟停系統嘅助力之下，威馳嘅每百公里綜合油耗可低至 5.03L。

底盤同操控

威馳基於豐田 NBC 平台打造。懸掛系統採用前麥花臣式獨立懸掛同後扭力樑式非獨立懸掛嘅組合。底盤調校傾向舒適同家用，轉向系統係電力輔助轉向，手感受輕盈靈活。喺操控穩定性方面，經過優化嘅懸掛系統喺連續彎道中車身姿態控制得當，轉向虛位較上代減少 40%。全係標配四輪盤式煞車。

車廂同配備

威馳嘅車廂配備以滿足基本家用需要為主。高配車款配備嘅 9 吋中控觸摸屏支援百度 CarLife、趣駕 WeLink 等手機連接功能。部分高配車款仲配備智能無匙進入系統、一鍵啟動等便利配備。坐椅方面，採用布面同混搭材質。威馳嘅後備廂標準容積約為 476 公升，可满足家庭日常出行嘅載貨需要。後排腿部空間喺同級車款中屬於中等水平。

安全同智能駕駛

安全方面，威馳採用豐田獨有嘅 GOA 車身，可喺碰撞發生時有效吸收能量並分散至車身各部位骨架，減少駕駛室嘅變形程度。全係標配 VSC 車身穩定控制系統、ABS 防鎖死煞車系統、EBD 電子制動力分配系統、煞車輔助系統、牽引力控制系統同爬坡輔助功能等。被動安全方面，配備主副駕駛座氣囊。部分高配車款仲配備有膝部氣囊。智能駕駛輔助方面，威馳嘅配備較簡單，主要集中喺車身穩定控制同基本嘅主動安全系統。

市場表現同評價

自 2002 年進入中國市場以來，豐田威馳憑藉親民價格、出色嘅燃油經濟性、皮實耐用嘅品質同較低嘅養護成本，贏得大量消費者嘅青睞。截至 2025 年，威馳喺中國累計銷量已突破百萬輛。然而，隨著中國汽車市場嘅消費升級同新能源車款嘅快速普及，小型燃油轎車市場受到巨大衝擊。威馳嘅銷量都從輝煌時期嘅年銷數萬臺，下滑至月銷僅數輛嘅水平。2025 年起，一汽豐田官方確認威馳喺國內停產。作為一款喺中國市場深耕超過二十年嘅經典車款，豐田威馳以其極低嘅擁車成本同可靠嘅品質，喺入門級家用轎車市場留下深刻嘅印記，成為一代人心中“人生第一部車”嘅代表。