德系技術加持！BAIC B30e 港測：雙檔混能＋電四驅，方盒輕越野實力如何？

自問試過不同標榜「方盒輕越野」或者「城市混能」嘅 SUV。不過當我真正將全新抵港嘅 BAIC B30e 駛上香港山路與繁鬧街道時，呢部由香港代理 APMG 引進嘅「硬派混能 SUV」確實帶來咗令人驚喜嘅全方位表現。

外觀設計：硬派方盒造型，融入獨特美學

第一眼見到 B30e，你很難不被佢剛勁有力嘅方盒造型吸引。車身保留咗北汽自 1958 年以來積澱嘅越野 DNA，平直腰線與矩陣幾何輪廓展現出十足嘅硬派張力。

實用防刮細節：車身側面特別加入防刮耐磨設計，平時喺香港狹窄車位開關車門，或者休閒出遊行山路時，都能有效降低漆面刮傷嘅風險。

德國工程技術加持：魔核 1.5T 雙檔 DHT 混能系統

動力系統係今次試駕嘅核心亮點。北汽集團（平治集團第一大單一股東）與總部位於德國亞琛嘅專業動力工程公司 META 深度合作，聯合調校出這套 1.5L 渦輪增壓魔核混動系統。試駕嘅四驅版本（配備 P1+P3 前馬達與 P4 後驅馬達）綜合最大輸出高達 301 kW (407 PS) 及 685 N·m 峰值扭力，0−100 km/h 加速僅需 6.9 秒。揸落去架車力度非常之充足，但係引擎一着共振比較明顯 但當Turbo起壓時，動力方面能媲美3.0 Turbo引擎

2 檔 DHT 波箱：這結構緊湊嘅 2 檔混動專用變速箱（傳動效率達 97%）智慧切換引擎直驅與並聯模式，徹底解決咗傳統多檔位變速箱換檔頓挫嘅問題。無論係屯門公路高速超車，定係大山隧道爬坡，動力即叫即到。你會好明顯感受到佢的轉波速度非常爽快，並不立懦 揸起身配搭這副引擎非常絲滑順暢，不會拖泥帶水。系統具備純電、串聯、引擎直驅、並聯、動能回收及駐車發電 6 種運作模式。喺市區塞車或低速行駛時，車輛主要以純電或串聯驅動，帶來如電動車般安靜平順嘅體驗；四驅版 WLTC 綜合油耗僅為 6.45 L/100km，對香港高車費與高油價環境嚟講極具吸引力。

雖然定位為都市與輕越野 SUV，但 B30e 嘅越野幾何參數與電四驅響應絕對唔係花拳繡腿。

電控四驅與 ATS 全地形系統：由於捨棄咗傳統機械傳動軸，電四驅系統響應時間僅需 0.03 秒，前後軸扭力可在 100:0 至 0:100 之間無級動態分配。整合 沙地、泥地、涉水、雪地 四大 ATS 專屬模式，系統能智慧調控油門與煞車限滑（Brake LSD），即使遇上惡劣路況或路面打滑亦能輕鬆脫困。在一些比較上複雜或者沙石嘅路面行駛行駛質感猶如平地，不會感覺大壓力以及需要脫困，只需輕輕油門就能重複複雜的路況，慢慢前進。

B30e 嘅車身尺寸為 4,730 × 1,910 × 1,790 mm（軸距 2,820 mm）。1,790 mm 嘅車高低於 1.8 米門檻，完美適應香港大部分限高較低嘅室內/地庫多層停車場。呢一個高度非常方便出入不同停車場不會因為限高而進入不到尋找車位更加輕鬆。

科技座艙：配備 10.25 吋 LCD 儀錶板與 14.6 吋懸浮式中控屏幕，支援 Apple CarPlay，搭配戰機螺旋槳式電子排檔桿，營造出強烈嘅科技感。

座椅與靈活空間：前排座椅配備 3 段通風與加熱功能。後排座椅支援一鍵放倒，放倒後可形成 1.9 米純平大床，行李廂容積一舉擴展至 1,496 升。

露營 V2L 外部供電：支援專屬露營模式與 V2L 外放電功能，可利用駐車發電將車輛轉化為移動電站，戶外野餐、照明或電器供電都一應俱全。車頂具備 80 kg 動態與 300 kg 靜態承重能力，擴展性極強。

喺安全科技方面，B30e 展現出國有大廠嘅紮實功底。

籠式車體結構：車身最大抗扭剛性達到 25,420 N·m/deg，高強度鋼材使用比例高達 63.4%，提供頂級嘅被動安全保護與出色 NVH 隔音表現。

540∘ 全景影像與透明底盤：結合 360∘ 環景 180∘ 透明車底視野，中控屏可隨時察看車底障礙物與輪胎軌跡，喺狹窄車位泊車或行駛崎嶇山路時極具安全感。