6月26號，極氪汽車正式宣布極氪7X登陸香港市場，售價26.99萬至36.99萬港元。而家想睇車試駕，最方便就係去港島鰂魚涌太古灣大道嘅太古城旗艦陳列室，呢度係極氪喺香港最大嘅門店，銷售同交車一站式搞掂，體驗夠晒暢順！
外形方面，極氪7X用咗「Hidden Energy」原創豪華設計，蚌殼式前機艙蓋加懸浮式車頂，睇落好有格調。貫穿式燈幕夜晚亮起身好吸睛，前包圍仲有主動空氣動力學格柵，又靚又實用。車身尺寸4825/1930/1656mm，軸距2925mm，空間好闊落；仲有19同20英寸輪圈可選，车漆顏色多達7款，無論鍾意低調嘅極晝白、極夜黑，定係鮮明嘅雲霞橙、森野綠，都可以揀到心水款。車側加寬嘅車肩線條同後輪形成強悍肌肉曲線，車尾低趴感十足，簡直有超跑feel！
內飾真係豪華感拉滿！走簡約路線但細節唔馬虎，保留咗實用嘅物理按鍵，加埋金屬飾條點綴，質感十足。車內大量用咗NAPPA全粒面頭層真皮，座椅仲有打孔千鳥格設計，坐上去高級感爆棚。最正嘅係後排升級成MPV級電動沙發，通風、加熱、按摩樣樣齊，連體式腿托、超闊中央扶手、電動桌板同OLED後排智慧屏都有，仲有同級唯一嘅電動滑軌，可前後移動215毫米，座椅靠背最多躺到134度，搭車就像坐飛機商務艙一樣舒服！二排門板嘅老闆鍵用物理按鍵，操作更方便。
（左舦车型 仅供参考）
科技配置亦都好頂！搭載8295智能座艙計算平台，算力超強；36.21英寸AR-HUD抬頭顯示、13.02英寸高清機長儀表同16英寸3.5K Mini-LED中控屏，科技感十足。音響系統都好犀利，標配21個揚聲器，最大功率2160W，7.1.4聲道支持杜比全景聲，坐車聽歌就像置身演唱會！智駕方面更唔使擔心，全系標配激光雷達同雙Orin-X芯片，搭載自研嘅浩瀚智駕2.0，NZP高速自主領航可以應對30幾種大型車危險場景，塞車時仲可以動態縮短跟車距離，抵擋80%以上嘅惡意加塞，香港複雜路況都應付自如！
動力同續航都好適合香港用車環境！有單電機同雙電機兩種選擇，單電機最大功率310千瓦，雙電機綜合功率475千瓦，開起身夠晒爽。電池組方面，單電機用磷酸鐵鋰電池，雙電機用三元鋰電池，CLTC綜合續航有605km、705km、780km三款，就算周末去大嶼山或者周邊遊都唔使擔心續航。仲有超快充功能，最高充電倍率達5.5C，10分鐘左右就可以從10%充到80%，落街食個飯嘅時間就補足電量，完全解決補能焦慮！
其實極氪喺香港市場已經好有實力，之前極氪009就攞到豪華MPV銷量冠軍，而極氪7X登場後表現都好突出，十月賣出462架成為中型SUV銷量冠軍。依家仲有「一換一」優惠同首次登記稅寬減，實際入手價更吸引。鍾意豪華舒適又講究科技配置嘅車友，真係可以去陳列室親身體驗下！
