BYD Dolphin 係 BYD 推出嘅純電小型汽車，建基於 e-Platform 3.0。外觀方面，佢採用「海洋美學」概念，車頭「Dolphin Eyes」頭燈連接封閉式鬼面罩，再配合「Dolphin Smile」燈組，呈現圓潤親切嘅觀感。車尾方面，幾何斷線式貫穿 LED 尾燈辨識度好高，而小型尾翼就有助提升高速穩定性。
車廂入面，配備 12.8 吋自適應旋轉懸浮 Pad，整合大部分控制功能。座椅亦採用 Skin Care 觸感物料。部分車型中，駕駛席設有 6 向電動調校，乘客席設有 4 向電動調校，兩者均配備加熱功能。
呢款汽車有唔同版本。例如 Dynamic Standard 版本官方 0-100km/h 加速時間為 12.3 秒，純電續航里程為 410km。Premium Extended 版本可於 7 秒完成 0 至 100km/h 加速，續航里程為 490km。呢款汽車標準配備多項安全配置，例如 6 個安全氣袋同車輛穩定控制。至於售價，Dynamic Standard 版本為 RM 100,000，而 Premium Extended 版本售價為 RM 124,900。
