20204 Xpander 提供混能版本。佢嘅汽油－電力混能系統由一副代號 4A92 嘅 1.6L 四汽缸自然吸氣汽油引擎配搭電動摩打組成。引擎輸出 95 匹馬力及 134 Nm 扭力；配合摩打後，綜合馬力輸出達 116，綜合扭力為 255 Nm。傳動系統配搭 e-CVT 電子無段變速自動波，並採用前輪驅動。
同普通汽油版本相比，混能版本喺前泵把加入咗一啲藍色飾條，並配備不同嘅雙色輪圈。車尾制動系統由鼓式煞車升級為碟式煞車。佢亦提供全新懸掛調校、主動式彎道控制系統，以及七模式駕駛選擇系統。
內櫳方面，佢配備全新設計軚盤。儀錶板升級為 8 吋 LCD 屏幕，波棍同駕駛模式選擇桿亦採用全新設計，可以帶來唔同嘅駕駛同乘坐體驗。
